Goedgekeur deur die uile
By die Owl Rescue Centre in Hartbeespoort word daar elke seisoen ’n klomp nuwe uilhuise opgerig. Sedert hulle met die oulike plan vorendag gekom het om dié huise uit stukkende wasmasjiene te maak, het hul besettingsyfer amper verdriedubbel. Enigiemand wat van ongewenste stukkende wasmasjiene, tuimeldroërs, yskaste en stowe ontslae wil raak, is welkom om ’n skenking aan die uilhuis te maak. Kontak hulle by info@owlrescuecentre.org.za of 082 719 5463.
Die “nie-uile” wat gered is
Al is die Owl Rescue Centre aanvanklik gestig om uile se lot te verbeter, het die lot van ander diere hulle genoop om tot aksie oor te gaan. Hier is twee van die onlangse reddingspogings:
Nog ’n aasvoël is op pad
By VulPro, die aasvoëlbewaringsorganisasie in die Hartbeespoort-omgewing, is daar onlangs ’n paar eiers gelê. Kerri Wolter en haar span hou ’n ogie oor die eiers. Elke derde aand word die eiers geweeg en in kerslig geplaas (ge-candle) sodat hulle die vrugbaarheid kan bepaal, gewigsverlies kan monitor en die humiditeit in die broeikas kan aanpas. Dit stel hulle ook in staat om gedetailleerde rekords te hou. Hierdie eiers is twee weke oud en wys goeie tekens van fertiliteit, met die sigbare spinnekopweb-voorkoms.
Só maak mens
Aan die einde van Mei het die span by VulPro ook ’n opleidingsessie gehou vir vrywilligers wat by die organisasie aansluit. Die korrekte hantering van ’n aasvoël is belangrik vir beide die geveerde en die hanteerder.
