Johan Strydom, Johan de Klerk en Paul Maree, het die beoordeling behartig. “Daar is nie groot verskille in die diere wat ingeskryf is nie. Dit dui op ‘n deurlopende kwaliteit, wat regtig goed is,” het Paul tydens die op hoef-beoordeling op 4 November, opgemerk.
In die op hoef-afdeling was daar vyf klasse waarin meegeding kon word:
- Klas A: 340 kg tot 400 kg.
- Klas B: 401 kg tot 440 kg.
- Klas C: 441 kg tot 470 kg.
- Klas D: 471 kg tot 490 kg.
- Klas E: 491 kg en meer.
Kwaliteit van inskrywings
Johan (Strydom) het sy waarnemings só opgesom: “Die kwaliteit van inskrywings is beslis beter as die vorige jare. Die kalwers is beter gevoer. Wat wel nog ‘n bietjie pla, is van die ligter kalwers wat na ons mening nie vet genoeg is nie. Hulle het ‘n baie mooi bouvorm, maar hulle vet en vetverspreiding kan beter wees.”
Hy het deelnemende produsente aangeraai om dit aan te spreek deur met veekundiges en verteenwoordigers van veemiddelmaatskappye te gesels. “As hulle bymiddels wil toedien, moet dit op die regte stadium geskied, aangesien dit ‘n impak op die vetverspreiding het as jy slag,” was sy raad.
Johan (Strydom) was opgewonde om te sien of hulle eerstes keuses op hoef, sou ooreenstem met dié aan hak. Die aan hak-beoordeling het op 7 November plaasgevind.
Hoewel Bulskop Boerdery die enkel kampioen op hoef met kalfnommer 40 (Bonsmara) was, was dit kalfnommer 38, ook van Bulskop, wat die swaarste sou uitslag.
Niemand & Seun se groep 13 (Charolais X) was die groep kampioen op hoef, terwyl Bulskop Boerdery se groep 11 (Beefmaster), die groep kampioen aan hak was.
NWK Retail was een van die hoofborge.
Volledige uitslae
KLAS-WENNERS
OP HOEF-WENNERS
AAN HAK-WENNERS
