NWK het op 26 November 26 werknemers vir onderskeidelik 35 en 25 jaar se lojale diens vereer. Hulle is elkeen met ‘n spesiale muurhorlosie en sertifikate by ‘n deftige vereringsgeleentheid by NWK se Opleidingsentrum bedank.
“In ‘n era waartydens dit hoogmode is om een van werk na ‘n ander te spring in ‘n strewe na beter geleenthede en nuwe ervarings, bly personeel selde vir langer as ‘n paar jaar by ‘n werksplek,” het Dennis Coetzee, groepbestuurder van Mensekapitaal by NWK, gesê en verwys na ‘n studie wat daarop dui dat diegene wat tussen 1977 en 1997 gebore is, tot 20 verskillende werke tydens hul loopbane kan hê.
“Julle het moontlik ook gedurende julle loopbane by NWK ander geleenthede oorweeg, maar besluit om eerder te bly. Ek glo dit is ‘n weerspieëling van julle vlak van werksbevrediging. Julle kennis van die bedryf is onvervangbaar en dra by tot die unieke kultuur van NWK,” het hy bygevoeg.
Hy het hulle versoek om hulle kennis en ervaring aan jonger kollegas oor te dra, sodat hulle eendag ‘n soortgelyke noemenswaardige bydrae tot die organisasie kan lewer.
“Ons salueer julle vir julle lojale bydrae en wens julle geluk met hierdie mylpaal,” het Dennis afgesluit.
Werknemers met 35 jaar diens
- René Roux (Finansiering)
- Douw van Zyl (Finansies – afwesig)
- Hanlie Marais (NWK Retail Lichtenburg)
- Dorotta Lentswe (NWK Retail Mareetsane)
- Marina Vorster (Landboubestuursdienste)
Werknemers met 25 jaar diens
- Thea van Vuuren (administratiewe beampte by bestuur)
- Fanie Klopper (Finansies)
- Mabel Pule (NWK Retail Koster)
- Timothy More (NWK Retail Pitstop)
- Phineas Chacha (NWK Retail Madibogo)
- Lodewyk de Beer (NWK Saad)
- Heleen du Plessis (NWK Retail administrasie)
- Andries Makgwane (NWK Meganisasie Lichtenburg)
- Theari Visagie (Inligtingstegnologie)
- Schalk Vosser (Inligtingstegnologie – afwesig)
- Kobus Roos (Inligtingstegnologie)
- Leon Stoltz (Inligtingstegnologie)
- Werner van der Merwe (Coligny silo)
- Rudie du Plessis (Delareyville silo – afwesig)
- Niek Malan (Derby silo)
- Marinus Meiring (Halfpad silo)
- Lourens van Tonder (Lottiehalte silo)
- Roela Roelofse (Migdol silo)
- Stoffel Motswaisane (Oppaslaagte silo)
- Jaco van Wyk (Oppaslaagte silo)
- Johann van der Walt (Silodienste)