Aangesien boerdery ‘n langtermynbelegging en lewenswyse vir ons en ons klante is, sal kosmetiese foefies oor die kort termyn nie ons doelwit van bystand aanspreek nie. Ons fokus is eerder daarop gemik om die produsent te help in sy poging om die doeltreffendheid van sy boerdery te verhoog, sy uitset/opbrengs per hektaar te verbeter, die risiko van natuurlike teenspoed te verlaag en só die opbrengs op sy boerderybelegging te verhoog.
Vir meer inligting, skakel ons by NWK se hoofkantoor op 018 633 1000 óf skakel die landboukundige of verteenwoordiger in jou gebied.
Ondersteuningsplan vir NWK-Omnia se kunsmisklante
Met hierdie riglyne in gedagte, gaan die NWK-Omnia Kunsmisbemarkingspan weer, soos in die afgelope seisoen, die volgende ondersteuningspakket vir die 2020/2021 finansiële jaar bied:
Klante sal weer kwalifiseer vir ‘n diskresionêre terugbetalingsbonus, wat op die netto randwaarde van al hul Omnia chemiese- en NWK Vloeibare Kunsmisbesigheid bereken is, asook die randwaarde van al die presisieboerdery-besigheid wat hulle met NWK Omnia Kunsmisbemarking en NWK Landboubestuursdienste gedurende die 2020/2021 finansiële jaar gedoen het (uitgesluit kalktransaksies, vervoer en BTW).
Hierdie bonusterugbetaling speel geen rol by die onderhandeling of bepaling van ‘n kunsmistransaksie nie. Dit gaan suiwer oor die terugploeg in ons lojale klante, en ter aanmoediging van wetenskaplike boerderybenaderings deur die ondersteuning van NWK en Omnia se presisieboerdery.
Op dié wyse het ons reeds die afgelope twee seisoene meer as R2 miljoen aan ons klante teruggegee.
NWK-Omnia Kunsmisbemarking
Landboukundiges
Stephan Erasmus (079 223 7278)
Jan du Toit (083 627 4402)
Verteenwoordigers
Coenie Pitout (082 441 4554)
Koster, Magaliesburg, Skuinsdrif, Grootpan, oos van Lichtenburg, regs van Zeerust-pad, tot by Ottoshoop
Anton Schulenburg (083 262 3628)
Delareyville, wes van Ottosdal, Sannieshof en Barberspan, Migdol, Geysdorp en suid van Kameel
Hannes van Rensburg (082 578 2754)
Sannieshof, Rooigrond, Nooitgedacht, Jagersfontein, noordwes van Lichtenburg
Jaco Viljoen (082 781 1015)
Mareetsane, noord van Kameel, Stella, Piet Plessis, Vergeleë
Pieter van Wyk (082 871 7506)
Coligny, Bodenstein, Bospoort, Oppaslaagte, oos van Ottosdal
Danie Reichel (083 271 0124)
Gerdau, Vermaas, Biesiesvlei, Kleinharts
Voorwaardes
- Slegs transaksies wat deur NWK Finansiering gefinansier of kontant deur ‘n NWK-rekening (ZL en ZLL) gedoen is, sal kwalifiseer.
- Die inrekening van presisiebesigheid geskied slegs indien gepaardgaande kunsmisaankope deur NWK Kunsmisbemarking (Omnia en NWK Vloeibare Kunsmis) gedoen is.
- Die kliënt moet vir die NWK Lojaliteitsprogram geregistreer wees, maar die krediete wat op hierdie ondersteuningsplan verdien word, word bykomend tot die normale lojaliteitsprogrampunte verdien.
- Toekenning van die bonus sal ná 30 April 2021 geskied, via die NWK Lojaliteitsprogram, waarvoor tersaaklike deelnamevoorwaardes geld.
- Die ondersteuningsplan is slegs geldig vir transaksies wat gedurende die 2020/2021 finansiële jaar plaasgevind het.
